जनादेश, घोराही ।
घोराही उपमहानगरपालिका वडा नम्बर १८ गिठेपानीमा अस्थायी प्रहरी पोष्ट स्थापना गरिएको छ ।
वडा प्रहरी कार्यालय घोराहीको मातहतमा रहने गरी गिठेपानीमा प्रहरी पोष्टको आज स्थापना गरिएको हो । त्यहाँ बस्ने प्रहरीले गिठेपानी र फुर्सेखाली क्षेत्रमा रहेका ११ वटा टोलमा सुरक्षा प्रदान गर्ने छन् ।
११ वटा टोल विकास संस्थाका अध्यक्ष मात्रिका पाण्डेको अध्यक्षता एवं वडा नम्बर १८ का अध्यक्ष भरतमणि अर्यालको प्रमुख आतिथ्यता तथा सहायक प्रमुख जिल्ला अधिकारी गन्जबहादुर एमसी र वडा प्रहरी प्रमुख, प्रहरी निरीक्षक दिनेश रिमालको उपस्थितीमा प्रहरी पोष्ट स्थापना गरिएको हो ।
त्यस भेगमा स्थानियहरुको माग अनुसार नै ७ औँ प्रहरी पोष्ट स्थापना गरिएको प्रहरी निरीक्षक रिमालले जानकारी दिनुभयो ।
