एजेन्सी ।
भारत र चीनबीच लद्दाख लगायतका सीमामा जारी तनाव कम गर्ने सहमति भएको छ ।
भारतीय विदेश मन्त्री एस जयशंकर र चिनियाँ समकक्षी वाङ यीबीच रुसको मस्कोमा भएको भेटवार्तामा वास्तविक नियन्त्रण रेखा (एलएसी)मा तनाव घटाउनका लागि पाँच बुँदे सहमति भएको हो ।
बैठकमा भारतका विदेश मन्त्री जयशंकरले एलएसीमा जारी तनाव थप बढाउने पक्षमा भारत नरहेको र चीनसँगको भारत नीतिमा पनि कुनै परिवर्तन नरहेको स्पष्ट पारेको भारतीय सञ्चार माध्यमले जनाएका छन् ।
चीनको भारत नीतिमा पनि कुनै परिवर्तन नभएको विश्वास भारतलाई रहेको पनि विदेशमन्त्री जयशंकरले बैठकमा बताएका थिए ।
चिनियाँ विदेश मन्त्रालयले पनि दुई देश छिमेकी भएको नाताले केही मुद्दामा असहमति हुनु स्वभाविक रहेको तर त्यसलाई सही ढंगले समाधान गरिनुपर्ने पक्षमा चीन रहेको जवाफ दिएको छ ।
यो पनि पढ्नुस्- चीनबारे अनर्गल प्रचार नगर्न भारतीय मिडियालाई बेइजिङको चेतावनी
लद्दाखमा यसरी भएको थियो चिनियाँ र भारतीय सैनिकको झडप (भिडियोसहित)
