गर्मी मौसममा अत्यधिक पसिना आउछ । जसका कारण मानिसमा काखी गन्हाउने समस्या देखिने गर्दछ । धेरै जसो मानिस आफ्नो कामको शिलशिलामा बाहिर हिडिरहनु पर्ने बाध्यता हुन्छ । यस्तो बेलामा मानिसको काखीबाट निस्किएको पसिना अत्याधिक गन्हाउने गर्दछ । तर, यस समस्याको हल भने नभएको होइन । विभिन्न उपाए अपनाएमा हामीले काखी गन्हाउने समस्या हटाउन सक्दछौँ ।
सरसफाई
काखी गन्हाउने समस्या भएका मानिसहरुले दैनिक काखी सफा गर्नुपर्दछ । सम्भव भएसम्म बाहिर निस्किनु भन्दा अघि नुहाए अथवा काखी सफा गरे उत्त्म हुन्छ ।
सुती कपडाको प्रयोग
काखी गन्हाउने समस्या भएकाहरुले हावा छिर्ने सुती वा फाईबरको कपडा लगाउनु पर्दछ । यसले अन्य कपडाको तुलनामा शरीरमा हावा छिर्न नपाउने समस्याबाट बचाउँछ ।
पानी र फलफूल
यो समस्या भएकाहरुले प्रसस्त मात्रामा पानी वा फलफूल खाने गर्नु पर्दछ । प्रर्याप्त पानी पिएमा पसिना गन्हाउने समस्याबाट धेरै हदसम्म बच्न सकिन्छ ।
खाने कुरा
पसिना गन्हाउने समस्या भएकाहरुले कफी, जंक फुड, तारेका खाना खानु हुदैन । यस्ता खानाले पसिना ग्रन्थीलाई सक्रिय बनाउँछ र अत्यधिक पसिना आउने र गन्हाउने हुन्छ ।
छाँयामा बस्ने
अत्याधिक पसिना आउने मानिस शितलमा बस्दा कम पसिना आउने गर्दछ । जसका कारण काखी गन्हाउने समस्याबाट बच्न सकिन्छ
