जनादेश, काठमाडौँ ।
नेपाल कम्युनिष्ट पार्टी नेकपाका कार्यकारी अध्यक्ष पुष्पकमल दाहाल प्रचण्डले डाकेको सचिवालयको अनौपचारिक बैठक सकिएको छ । पार्टी मुख्यालय धुम्बाराहीमा बसेको बैठकले प्रधानमन्त्री तथा नेकपाका अध्यक्ष केपी शर्मा ओलीलाई औपचारिक बैठक बोलाउन मनाउने निर्णय गरेको छ ।
यस अघि औपचारिक सचिवालय बैठक बोलाउन आग्रह गर्दा ओलीले त्यसो गरिए पार्टी फुटको अन्तिम बिन्दु हुने चेतावनी दिएको जानकारी बैठकमा प्रचण्डले गराएका थिए । बैठकमा माधवकुमार नेपाल, झलनाथ खनाल, नारायणकाजी श्रेष्ठ र बामदेव गौतम सहभागी थिए।
महासचिव बिष्णु पौडेल, ईश्वर पोखरेल र रामबहादुर थापा बादल भने बैठकमा सहभागी भएनन्। बैठकले सचिवालयको औपचारिक बैठक बोलाउन ओलीलाई संयुक्तरुपमा लिखित अनुरोध गरिने निर्णय गरेको पार्टी प्रवक्ता नारायणकाजी श्रेष्ठले जानकारी दिए ।
