जनादेश, काठमाडौं ।
मंसिरको दोश्रो सातामा प्रवेश गर्दा देशभरको तापक्रम निरन्तर घट्न थालेको छ । जल तथा मौसम विज्ञान विभागका अनुसार आज दिउँसो काठमाडौं उपत्यकाको तापक्रम न्यूनतम १८ डिग्री सेन्टिग्रेडदेखि अधिकतम २० डिग्री सेन्टिग्रेडसम्म रहने जनाएको छ ।
उपत्यकाको आज बिहानको तापक्रम ६.२ डिग्री सेन्टिग्रेड मापन गरिएको विभागले जनाएको छ ।
उपत्याकामा आज दिउँसो सामान्य बादल लागे पनि मौसममा बदली भने नआउने मौसमविद्को भनाई छ । विभागका अनुसार कर्णाली र सुदूरपश्चिम प्रदेशका हिमाली तथा उच्च पहाडी भेगमा आज मौसम बदलीसँगै हिमपातको सम्भावना रहेको छ ।
कतिपय कर्णालीका जिल्लामा यस अघि नै तापक्रम माइनसमा पुगिसकेको छ । हिमपात समेत भएको छ ।
