जनादेश, काठमाडौं ।
देशभर आज थप १ हजार ७९० जनामा कोरोनाभाइरस संक्रमण पुष्टि भएको छ । यससँगै, संक्रमितको कुल संख्या २ लाख २४ हजार ७८ पुगेको स्वास्थ्य तथा जनसंख्या मनलयले जनाएको छ । आज थपिएका संक्रमितमध्ये ७२१ जना महिला र १ हजार ६९ जना पुरुष रहेका छन् ।
यस्तै, काठमाडौं उपत्यकामा आज ९४७ संक्रमित थपिएका छन् । संक्रमितमध्ये ४१० जना महिला र ५३७ जना पुरुष रहेका छन् । १७ हजार ८ सय ५९ जना सक्रिय संक्रमितमध्ये ६ हजार ५ सय १८ जना होम आइसोलेसनमा रहेको मन्त्रालयले जनाएको छ ।
मन्त्रालयका अनुसार सबैभन्दा धेरै बाग्मती प्रदेशमा ३ हजार ४९६ जना होम आइसोलेसनमा रहेका छन् । त्यस्तै प्रदेश १ मा २०९ सय ३८, प्रदेश २ मा ६०, लुम्बिनी प्रदेशमा १४०६, सुदूरपश्चिम प्रदेशमा २८२, गण्डकी प्रदेशमा ९५३ र कर्णाली प्रदेशमा ११२ जना होम आइसोलेसनमा रहेका छन् ।
