एजेन्सी ।
स्पेनिस क्लब बार्सिलोनाले च्याम्पियन्स लिग फुटबलको अन्तिम १६ मा स्थान सुरक्षित गरेको छ । समूह चरण अन्तर्गत मंलबार राति भएको खेलमा बार्सिलोनाले डिनामो किएभलाई ४–० ले पराजित गरेको हो ।
समूह जी मा रहेको बार्सिलोनाले समूहका सबै चार खेलमा जित निकालेर १२ अंक बनाइ अन्तिम १६ मा पुग्ने निश्चित गरेको हो ।
अवे मैदानमा भएको खेलमा बार्सिलोनाका लागि मार्टिन ब्रेथवेटले ५७ र ७० औँ मिनेटमा गरि दुई गोल गरे ।
यस्तै सेर्गिनो डेस्टले ५२ औँ तथा एन्टोनी ग्रिजम्यानले इन्जुरी समयको दोस्रो अर्थात ९२ औँ मिनेटमा गोल गरि जित दिलाएका हुन् । पहिलो हाफमा गोल गर्न नसकेको खेलमा लियोनल मेस्सी बिना पनि दोस्रो हाफमा चार गोल गरेको हो ।
