एजेन्सी ।
च्याम्पियन्स लिग फुटबलको नकआउट चरणमा स्थान बनाउने इटालियन क्लब इन्टर मिलानको सपनामा गम्भीर धक्का लागेको छ ।
समूह बी अन्तर्गत बुधबार राति भएको खेलमा रियल मड्रिडले इन्टर मिलानलाई उसकै मैदानमा २–० ले पराजित गरेको हो ।
घरेलु टोली मिलान ३३ औँ मिनेटमा अटुरो भिडाल दोहोरो पहेँलो कार्ड पाएर मैदानबाट बाहिरिएपछि १० खेलाडीमा सीमित भयो ।
त्यसअघि नै उसले एक गोल खाएको थियो । सातौँ मिनेटमा पाएको पेनाल्टीमा इडन हजार्डले भ्रमण टोली रियल मड्रिडका लागि गोल गरेका थिए ।
५९ औँ मिनेटमा इन्टर मिलानका आचरफ हकिमीले आत्मघाती गोल गरेपछि रियल मड्रिडको २–० को जित निश्चित भएको हो ।
जितपछि १३ पटकको विजेता रियल मड्रिड सात अंकसहित समूहको दोस्रो स्थानमा पुगेको छ । दुई अंक रहेको इन्टर मिलान दुई खेल बाँकी हुँदा पुछारमा छन् ।
बुधबार राति नै भएको खेलमा शाख्तर डोनेस्कलाई ४–० ले पराजित गरेको बोरुसिया मोन्चेङ्गग्लाडवाच ८ अंकसहित शीर्ष स्थानमा छ । तेस्रो स्थानको शाख्तरको चार अंक छ ।
