जनादेश, तामघास ।
गुल्मीमा जिप दुर्घटना हुँदा ५ जनाको मृत्यु भएको छ । इश्मा गाउँपालिकाबाट सदरमुकाम तम्घासतर्फ गैरहेको लु १ ज ११६६ नम्बरको जिप हुल भन्ने स्थानमा रहेको विद्यालय नजिकै दुर्घटना हुँदा ५ जनाको मृत्यु भएको हो ।
मृत्यु हुनेमा इश्मा ४ हुलका डम्बर बहादुर हितान, सुन्दरी थापा, शिव बहादुर दर्लामी, धन बहादुर अछामी, बसन्त दर्लामी रहेको प्रहरीले जानकारी दिएको छ ।
दुर्घटनामा घाइते भएका सरस्वती दर्लामी र फर्सु थापाको अवस्था गम्भीर रहेकोले उद्धार गरेर जिल्ला अस्पतालतर्फ पठाएको स्थानीय वासिन्दाले बताएका छन् ।
जिप भिरबाट ४ सय मिटर भन्दा तल खसेको र चालक सकुसल रहेको प्रहरीको भनाई छ । जिप ब्रेक फेल भएर दुर्घटना भएको हुनसक्ने प्रहरीले अनुमान गरेको छ ।
