जनादेश, सोसल मिडिया वाच ।
जनता समाजवादी पार्टी (नेपाल) का संघीय परिषद् अध्यक्ष डा. बाबुराम भट्टराईले प्रधानमन्त्री तथा नेपाल कम्युनिष्ट पार्टी (नेकपा) का अध्यक्ष केपी शर्मा ओलीले पार्टीका कार्यकारी अध्यक्ष पुष्पकमल दाहाल प्रचण्डलाई जवाफ दिन प्रस्तुत गरेको प्रतिवेदन ओली अहंकारको पुञ्ज भएको बताएका छन् ।
ओलीले प्रतिवेदनमा आफूबाट कहिल्यै गल्ती नभएको जसरी आफ्नो शासनकाल नै स्वर्णयुग भएको जस्तो अहंकार गरेको डाक्टर भट्टराईको टिप्पणी छ ।
ओलीको ५३-बुॅदे दस्ताबेज पढ्दा इतिहासका सबै निरंकुश/फासिष्ट शासक झैं आफुबाट कहिल्यै कुनै गल्ती/कमजोरी हुननसक्ने र आफ्नो शासनकाल स्वर्णयुग नै रहेको अहंकार प्रष्टै झल्कियो।अब अरूकोनिम्ति यो प्रवृत्तिविरूद्ध निर्णायक संघर्ष गर्ने कि आत्मसमर्पण गर्ने भन्दा अर्को विकल्प देखिएन है!
— Baburam Bhattarai (@brb1954) November 28, 2020
ओलीले शनिबारको सचिवालय बैठकमा प्रचण्डलाई प्रत्युत्तरसँगै प्रत्यारोपको पुलिन्दा प्रस्तुत गरेका थिए । ओलीको प्रस्तावमा अहंकार झनै बढी देखिएको प्रचण्डको टिप्पणी छ ।
