एजेन्सी ।
केही दिन अघि निधन भएका अर्जेन्टीनाका महान् फुटबलर डिएगो म्याराडोनाको उपचारमा संलग्न चिकित्सकहरूमाथि छानबिन थालिएको छ ।
उपचारमा भएको लापरबाहीले म्याराडोनाको निधन भएको आशंका र आरोपपछि उपचारमा संलग्न चिकित्सकहरू छानविनको दायरामा आएको अन्तर्राष्ट्रिय सञ्चार माध्यमले जनाएका छन् ।
केही समय अघि मस्तिष्कको सफल शल्यक्रिया गराएका म्याराडोनाको ६० वर्षको उमेरमा हृदयाघातबाट गत बुधवार निधन भएको थियो।
मस्तिष्क सल्यक्रियापछि भएको म्याराडोनाको निधन हृदयघात नै कारण थियो या थिएन भन्नेबारे छानबिन सुरू भएको हो ।
