एजेन्सी ।
विश्वमा पछिल्लो २४ घण्टामा ४ लाख ९६ हजार ८९२ कोरोना संक्रमित थपिएका छन् । योसँगै संसारमा कुल संक्रमितको संख्या ६ करोड २३ लाख ६३ हजार ५२७ पुगेको छ ।
त्यसैगरी पछिल्लो २४ घण्टामा विश्वमा ७ हजार ६९७ कोरोना संक्रमितको मृत्यु भएको छ । यो सँगै कोरोनाका कारण ज्यान गुमाउनेको संख्या १४ लाख ५६ हजार ६८७ पुगेको विश्व स्वास्थ्य संगठनको तथ्यांकमा उल्लेख छ ।
भारतमा १ लाख ३७ हजारको मृत्यु
भारतमा कोरोनाका कारण मृत्यु हुनेको संख्या १ लाख ३७ हजार नाघेको छ । विश्व स्वास्थ्य संगठनको पछिल्लो तथ्यांक अनुसार भारतमा हालसम्म कोरोना संक्रमणका कारण मृत्यु हुनेको संख्या १ लाख ३७ हजार १३९ पुगेको छ ।
पछिल्लो २४ घण्टामा भारतमा ४४३ संक्रमितको मृत्यु भएको छ । सोही अवधीमा ३८ हजार ७७२ नयाँ संक्रमित थपिएका छन् । तथ्यांक अनुसार भारतमा ९४ लाख ३१ हजार ६९१ जनामा कोरोना संक्रमण भइसकेको छ ।
