जनादेश, काठमाडौं ।
नेपाली राष्ट्रिय क्रिकेट टोलीका स्टार क्रिकेटर सन्दीप लामिछानेले कोरोना भाइरस संक्रमण जितेका छन् ।
उनले आफू कोरोना संक्रमणबाट मुक्त भएको जानकारी गराएका छन् । बुधबार सामाजिक सञ्जालमार्फत सन्दीपले आफू निको भएको जानकारी गराएका हुन्।
राष्ट्रिय टोलीको बन्द प्रशिक्षणमा सहभागी हुने तयारीमा रहेका लामिछाने कोरोनाबाट संक्रमित भएका थिए । सेल्फ आइसोलेसनमा बसेका उनी आइतबार श्वासप्रश्वासमा समस्या आएपछि ह्याम्स अस्पताल समेत भर्ना भएका थिए ।
उनी अब केही दिनको आरामपछि बिग ब्यास लिग खेल्न अस्ट्रेलिया जानेछन् । डिसेम्बर तेस्रो साता बिग ब्यास लिग सुरु हुँदै छ ।
