जनादेश, काठमाडौं ।
आज देशभर थप १ हजार ३४३ जनामा कोरोना संक्रमण पुष्टि भएको छ । यससँगै नेपालमा कोरोना संक्रमितको संख्या २ लाख ३७ हजार ५८९ पुगेको स्वास्थ्य तथा जनसंख्या मन्त्रालयले जनाएको छ ।
आज ९ हजार २८७ जनाको पीसीआर परीक्षण गरिएको थियो । जसमा १३४३ जना संक्रमित भेटिएका हुन् ।
यस्तै, पछिल्लो २४ घण्टामा २ हजार १११ जना डिस्चार्ज भएका छन् । योसँगै कोरोना मुक्त हुनेको संख्या २ लाख २० हजार २७२ पुगेको छ । हाल सक्रिय संक्रमितको संख्या १५ हजार ७६६ रहेको छ । कोरोना भाइरस संक्रमणबाट हालसम्म १५५१ जनाको मृत्यु भएको स्वास्थ्य मन्त्रालयले जनाएको छ ।
