एजेन्सी ।
अमेरिकी खुफिया एजेन्सी नेशनल इन्टेलीजेन्ट्सका निर्देशक विलियम एभानिनाले चीनले अमेरिकाका भावी राष्ट्रपति जो बाइडेनको निगरानी सुरु गरेको दावी गरेका छन् । उनका अनुसार एक चिनियाँ एजेन्ट बाइडेनको समूका व्यक्तिसँग अति निकट हुन पुगेको बताएका छन् ।
बुधबार एसपेन इन्स्टिच्युटले आयोजना गरेको एक भर्चुअल छलफलका क्रममा एभानिनाले उनले चिनियाँ एजेन्टहरूले अमेरिकाको राष्ट्रपति निर्वाचन र कोरोना भाइरसविरुद्धको भ्याक्सिन निर्माण कार्यलाई प्रभावित पार्ने कोसिस गरिरहेको आरोप समेत लगाएका छन् । यस्तै, सोही छलफलका क्रममा अमेरिकाको न्याय विभागका एक अधिकारीले एक हजारभन्दा धेरै शंकास्पद चिनियाँ एजेन्टहरू अमेरिकामा रहेको बताएका छन् । अमेरिकाको ‘नेशनल सेक्युरिटी डिभिजन’ का न्याय विभागका प्रमुख जोन डेमर्सले सो कुरा बताएका हुन् ।
