जनादेश, सल्यान ।
अर्काकी श्रीमती भगाएर तेस्रो विवाह गरेका सल्यानका वडा अध्यक्ष पक्राउ परेका छन् ।
बनगाड कुपिण्डे नगरपालिका वडा नं ९ का वडा अध्यक्ष ईन्द्र बहादुर कुमाईलाई शुक्रबार बेलुका जयतपानी बजारबाट नियन्त्रणमा लिएको प्रहरीले जनाएको छ ।
वडा अध्यक्ष सँगै उनकी कान्छी श्रीमती भनिएकी ग्वाँमी विष्ट कुमाईलाई समेत प्रहरीले नियन्त्रणमा लिएको छ । घरमा २ जना श्रीमती र दुबै श्रीमती तर्फ ४ जना छोराछोरी हुँदाहुँदै तेस्रो श्रीमती बिहे गरेको भनी स्थानिय ५ जनाले सल्यान प्रहरीमा बहुविवाह गरेको कसुरमा उजुरी दिएको आधारमा कुमाईलाई प्रहरीले पक्राउ गरेको हो ।
पक्राउ परेका दुवै जनालाई जिल्ला प्रहरी कार्यालय सल्यानको हिरासतमा राखी थप अनुसन्धान भइरहेको प्र्हरीले जनाएको छ ।
