एजेन्सी ।
रियल मड्रिडले स्पेनिस ला लिगामा जितबिहीन यात्रा विराम लगाउँदै सेभिल्लामाथि १–० को जित दर्ता गरेको छ ।
लगातार तीन खेलमा जित निकाल्न नसकेको रियलले अवे मैदानमा भएको खेलमा जितका लागि ५५ औँ मिनेटमा सेभिल्लाका बोनोले गरेको गोलको सहारा लियो ।
जितपछि तेस्रो स्थानमा पुगेको रियल मड्रिडको ११ खेलबाट २० अंक भएको छ । उ शीर्ष स्थानको एथ्लेटिको मड्रिड भन्दा ६ र दोस्रो स्थानको रियल सोसिडाड भन्दा चार अंकले पछि रहेको छ ।
शनिबार राति नै भएको खेलमा रियल भालाडोलिडलाई २–० ले पराजित गरेको एथ्लेटिको मड्रिडको १० खेलबाट २६ अंक भएको छ । अर्को खेलमा लेभान्टेले गेटाफेलाई ३–० ले पराजित गरेको छ ।
