एजेन्सी ।
भारतका चर्चित नृत्यकार अस्ताद देबुको निधन भएको छ । ७३ वर्षका देबुको निधन भएको जानकारी सामाजिक सञ्जालमार्फत परिवारले दिएको हो । उनी लामो समयदेखि बिरामी रहँदै आएका थिए।
आफ्नो नृत्य कलाका माध्यमबाट नाम कमाएका देबुको जन्म १९४७ जुलाई १३ मा भएको थियो।
उनले भारतमा पुरानो र आधुनिक शैली मिलाएर नृत्यको नयाँ शैली विकास गरेको मानिन्छ । ७० भन्दा बढी देशमा उनले एकल, सामूहिक र युगल नृत्य प्रस्तुति दिएका थिए।
उनले सन् १९९५ मा ‘संगीत नाटक अकादमी’ पुरस्कार तथा २००७मा ‘पद्यश्री’ सम्मान पाएका थिए।
