जनादेश, काठमाडौँ ।
अहिलेको व्यस्त जीवनशैलीका कारण धेरैजसो मानिसमा उच्च रक्तचापको समस्या देखिएको छ । उच्च रक्तचापको समस्याबाट ग्रसित व्यक्तिले खानपान र आफ्नो जीवनशैलीमा विशेष ध्यान दिनैपर्छ । यसो नगरेमा उनीहरुमा मुटुसम्बन्धी रोग सिर्जन हुने जोखिम बढ्ने गर्दछ ।
उच्च रक्तचाप भएका व्यक्तिले ध्यान दिनैपर्ने १० कुराहरु :
- शरीरको तौल कायम राख्ने ।
- तनावमुक्त रहने ।
- नियमित शारीरिक व्यायम गर्ने, सक्रिय रहने ।
- उच्च रक्तचाप भएमा स्वास्थ्यकर्मीको सल्लाहमा नियमित औषधि सेवन गर्ने ।
- मदिरा सेवन नगर्ने ।
- धुम्रपान तथा सुर्तिजन्य पदार्थको सेवन नगर्ने ।
- दैनिक पाँच ग्राम भन्दा कम नुन खाने ।
- चिल्लो र बोसोयुक्त खानेकुरा कम खाने ।
- सन्तुलित खाना र प्रशस्त मात्रामा सागसब्जी र फलफूल खाने ।
- वयस्क व्यक्तिले वर्षमा एकपटक नियमित स्वास्थ्य जाँच गराउने ।