जनादेश हेल्थ डेस्क ।
जाडो मौषममा चिसोका कारण मानिसहरु विभिन्न रोगको शिकार हुन्छन् । चिसोका कारण अस्पतालमा पनि विरामीको चाप बढ्ने गर्छ ।
हृदय रोग विशेषज्ञहरुले जाडो मौषममा लापरवाही गर्दा र असन्तुलित भोजन गर्दा विभिन्न समस्या आउने बताउँछन् ।
शरीरमा चिसो लागेपछि रक्तचाप बढ्छ र रक्तचापका कारण विभिन्न समस्या आउँछन् । तर रक्तचाप नियन्त्रण गर्न सकेमा भने जाडोमा स्वास्थ्य समस्या नआउने बताउँछन् विशेषज्ञहरु ।
यस कारण शरीरमा तापक्रम नियन्त्रण गर्नका लागि जाडो मौषममा विशेष ध्यान पुर्याउनु पर्ने हुन्छ । ताकि हृदय घात जस्ता समस्या नआउन ।
जाडोबाट बँच्ने ५ शुत्र
१ खानपानमा ध्यान दिनुस्: जाडोमा चिल्लो पदार्थको सेवन धेरै गर्नु हुँदैन । चिल्लो भएका खानेकुरा तुरुन्त कम गर्नुस् ।
२ तनाव कम गर्नुस्ः जाडोमा तनाव पनि बढ्यो भने स्वास्थ्यमा गम्भिर समस्या आउन सक्छ । जाडो मौषममा स्वस्थ रहन योगा वा मेडिटेसन गर्नु राम्रो मानिन्छ । त्यसै गरी चिसो हावा लाग्ने ठाउँमा नजानु राम्रो हुन्छ भने न्याना कपडा लगाउनु पर्छ ।
३ क्रोध कम गर्नुस्ः जाडोमा रिसाउनु अर्थात आक्रोशित हुनु स्वास्थ्यको लागि घातक मानिन्छ । यसै पनि जाडोमा रक्तचाप बढी हुने हूँदा रिसाउँदा अचानक टाउको दुख्ने समस्या हुन सक्छ ।
४ नियमित औषधी खानुस्ः जाडो मौषममा नियमित खाने गरिएका औषधीमा विशेष ध्यान दिनु पर्छ । खासगरी मुटुको समस्या हुनेहरुले यस्तो कुरामा विशेष चनाखो हुनु पर्छ ।
५ नियमित स्वास्थ्य परीक्षणः जाडो मौषममा नियमित स्वास्थ्य जाँच गराउनु पर्छ । कम्तिमा महिनामा २ पटक स्वास्थ्य जाँच गर्नु जाडोमा राम्रो मानिन्छ ।
यी ५ कुरामा ध्यान दिनु भो भने जाडोबाट बँच्न सकिन्छ ।
यो पनि हेर्नुस्- जाडोमा भुल्नै नहुने ७ शुत्र, नत्र हुन सक्छ तपाइँलाई समस्या
घर वा अफिसमा कम्प्युटरमा बस्दा भुल्नै नहुने ५ कुरा