मर्न लागेको बिरालो मन्त्री बनेपछि... | Janadesh Daily | ePaper

मर्न लागेको बिरालो मन्त्री बनेपछि…


मस्को ।

रसियाको एउटा फोहर सामान प्रशोधन र व्यवस्थापन गर्ने एउटा काराखानामा काम गर्ने एकजना कर्मचारीले आफुले मर्नबाट जोगाएका एउटा बिरालो सम्मानित सरकारी उपाधि पाउने र एउटा सरकारी कार्यालयको मेचमा मज्जाले निँदाउँदै आराम गर्नेबारे कल्पना सम्म पनि गरेको थिएन ।

राजधानी मस्कोदेखि करिव ७ सय किलोमिटर दक्षिण पुर्वमा रहेको उल्यानोभ्सक शहर स्थित उक्त काराखनाको सर्भेलियन्स क्यामेराले खिचेको भिडियो फुटेजमा मिखाइल तुकास नामक कामदारले झुकेर कन्भेयर वेल्टबाट एउटा सेतो प्लास्टिकको झोला उठाएको र त्यसबाट एउटा कालो र सेतो रंगको भाले बिरालो निकालेको देखिन्छ ।

झण्डै मारिन लागेका बिरालोको ज्यान बचाएको कारण सरकारको तर्फबबाट पुरस्कृत समेत भएका मिखाइलले मोस्कोभ्सकी कोमसोमोलेत्स अखवारलाई बताएका छन् , ‘ मलाई कसो कसो झोला भित्र केहि छ जस्तो लाग्यो । त्यसैले मैले झोला काटेर खोलें । मैले त्यहाँ भत्रि राखिएको त्यो बिरालोले आँखा जुधाएर हेर्‍यो । धन्न त्यो झोला वेल्टमा पेलिनबाट जोगियो । ’

सरकारी टेलिभिजनले बिरालोको उद्धार भएको रोचक खवर प्रशारित गर्‍यो । सामाजिक संजालमा पनि यो खवर भाइरल भयो । हेर्दाहेर्दै बिरालो सेलेव्रिटी बन्यो । त्यसलाई उल्यानोभ्स्क वातावरण मन्त्रालयले आफ्नो जिम्मामा लिँदै त्यसलाई अनौपचारिक रुपमा उप वातावरण मन्त्रीको ओहदा दियो ।

यो बिरालो वातावरण मन्त्री गुल्नरा राखमातुलिनाको कार्यालयको आरामदायी कुर्सीमा बसिरहेको तस्वीर मन्त्रालयले सार्वजनिक गरेको छ । पशु चिकित्सकको रेखदेखमा स्वास्थ लाभ गरिरहेका बिरालोको लागि उपयुक्त नाम पठाउनेलाई मन्त्रालयले पुरस्कारको व्यवस्था गरेको छ ।

मन्त्री राखमातुलिनाले यसरी सार्वजनिक अनुरोध गरेका छन् , ‘यदि तपाईंहरुले आफ्ना पाल्तु जनावर पाल्न सक्नु हुन्न भने यसरी कुनै झोलामा पोका पारेर मर्नका लागि नछोड्नुहोस् । बरु कुनै दयालु व्यक्ति वा जनावर उद्धार आश्रमको जिम्मा लगाउनुहोस् । ’

एजेन्सी

"Janadeshdaily.com"

यो नेपाली भाषाको डिजीटल पत्रिका हो । हामी तपाइँहरु समक्ष छुट्टै दृष्टिकोण र स्वादका समाचार पस्किने प्रयासमा छौं । तपाइँको सल्लाह र सुझाव हाम्रालागि सधैं मार्गदर्शक रहनेछ । यो डिजिटल पत्रिका हेर्नुभएकोमा हार्दिक धन्यवाद । देश र दुनियाँको हरपल ताजा जानकारीसहितका समाचारका लागि जनादेश दैनिक । समाचार वा जानकारी छन् भने तत्काल पठाउनुस् हामी वृहत पाठकसमक्षक पुर्‍याउने छौं । समाचार, जानकारी वा तस्विर तथा भिडियो पठाउने इमेल ठेगाना- info@janadeshdaily.com

     
प्रतिक्रिया दिनुहोस्