धनेश्वर चौधरी,दाङ । इन्जिनियरिङ कलेजको रुपमा पश्चिम नेपालमा १३ वर्ष अगाडि स्थापना भएको कलेज हो राप्ती इन्जिनियरिङ कलेज । यो कलेज दाङको घोराहीउप–महानगरपालिका–१६, सानीअम्बापुर सर्रामा रहेको छ ।
कलेजले विभिन्न कार्यक्रममा गरी ३ सय १२ विद्यार्थीहरुलाई भर्ना गर्ने गर्छ । साथै ३० जना विद्यार्थीहरुलाई पूर्ण छात्रवृत्तिको व्यवस्थागर्न थालेको कलेजका प्राचार्य रेशमगिरीले जानकारी दिए ।
पोखरा विश्वविद्यालयबाट सम्बन्धप्राप्त गरी विश्वविद्यालय अन्तर्गत हाल यस कलेजले बि. ई. सिभिलइन्जिनियरिङ, इलेक्ट्रिोनिक्स एण्ड कम्युनिकेशन इन्जिनियरिङ र बि. सि. ए. कार्यक्रमहरु सञ्चालन गरिरहेको छ । त्यस्तै, सी.टी.ई.भि.टी. अन्तर्गत ३ वर्षे कम्प्युटर ओभरसियर र १८ महिने सिभिल सव–ओभरसियर, इलेक्ट्रिकल सव–ओभरसियर र अमिन कार्यक्रमहरु सञ्चालन गरिरहेको छ ।
कलेजमा नेपालका विभिन्न जिल्लाबाट विद्यार्थीहरु अध्ययनका लागि आउने गरेको निर्देशक मधुसुदन वैद्यले बताए । कलेजले अन्तर्राष्ट्रिय स्तरको ISO 9001:2015 मान्यता समेत प्राप्त गरेको छ । जसले गर्दा कलेजले उत्पादन गरेको जनशक्ति वा विद्यार्थीहरुले अन्तराष्ट्रिय स्तरमा समेत सजिलैसंग रोजगारी पाउन थालेका छन् ।
स्थापनाको पहिलो व्याच बि. ई सिभिल((२०११–२०१५) मै इञ्जिनियरिङ संकायमा पोखरा विश्वविद्यालय प्रथम हुन सफल तथा बि. सि. ए. को पाँचौ व्याच (२०१३–२०१७) मा बि. सि. ए. कार्यक्रमतर्फ गोल्ड मेडल प्राप्त गर्न सफलभएको छ । त्यस्तै डिप्लोमा इन कम्प्यूटर इञ्जिनियरिङ, अमिन, सिभिल सव–ओभरसियर र इलेक्ट्रिकल सव–ओभरसियरमा पनि उत्कृष्ट नतिजा ल्याउन सफल भएको छ ।
कलेजका अध्यक्ष भीमसेन गिरीका अनुसार कलेजबाट पास भएका ९० प्रतिशत विद्यार्थीहरुले रोजगारी प्राप्त गरिसकेका छन् बि. ई. सिभिलतर्फ शतप्रतिशत, बि. सि. ए. तर्फ ९८ प्रतिशत, कम्प्युटर ओभरसियर तर्फ ९१ प्रतिशत र अमिनतर्फ ८२ प्रतिशत र इलेक्ट्रिकल सव ओभरसियर तर्फ ८७ प्रतिशत र सिभिल सव–ओभरसियरमा ७५ प्रतिशत विद्यार्थीहरुले रोजगारी प्राप्त गरेका प्रबन्ध निर्देशक गिरीको दाबी छ ।
अध्यक्ष गिरी यसलाई कलेजको उपलब्धिका रुपमा लिन्छन् । राप्तीइन्जिनियरिङ कलेजमा अध्ययन गरेर पास भएका विद्यार्थीहरु सरकारी, गैरसरकारी, संघ सस्था, स्कुल, कलेज तथा वैदेशिक रोजगारीका क्षेत्रमा संलग्न भएको प्राचार्य गिरीले जानकारी दिए ।
कलेजमा अध्ययन गर्न आउने विद्यार्थीहरुको चापलाई ध्यानमा राख्दै कलेजले विश्वविद्यालयतर्फ यस वर्षदेखि बि. ई. कम्प्युटर र बि. ई. सिभिलतर्फ सेक्सन थप गर्न लागेको छ । त्यस्तै सीटीईभीटीतर्फ पनि सिभिल ओभरसियर, आर्कीटेक्चर इञ्जिनियरिङ, इलेक्ट्रिकल ओभरसियर, बाली विज्ञान, पशु विज्ञान र वन विज्ञानको कक्षा थप गर्न लागेको जानकारी गराउनु भएको थियो । यस क्षेत्रकै नमुना कलेजको रुपमा स्थापितहुन सफल यो कलेजले विद्यार्थीहरुलाई गुणस्तरीय शिक्षा प्रदान गर्दै आइरहेको छ ।
