कंगोमा विद्रोही समूहको आक्रमणबाट इटालीका राजदूतको ज्यान गएको छ ।
कन्यामाहोरो शहरनजिकै राष्ट्रसंघीय गस्तीमा विद्रोही समूहले आक्रमण गर्दा राजदूत लुसा एटानासियो र एक सैनिक प्रहरीको ज्यान गएको इटालीको विदेशमन्त्रायले पुष्टि गरेको छ । अपहरणको प्रयासका क्रममा भाग्दै गर्दा लडाकूले गोली प्रहार गरेको जनाइएको छ ।
आक्रमणको जिम्मा हालसम्म कसैले लिएको छैन । इटालीको विदेशमन्त्रालयका अनुसार राजदूत एटानासियो सन् २ हजार १७ यता किन्शासामा मिशनको नेतृत्वमा रहेकोमा सन् २ हजार १९मा राजदूत नियुक्त भएका थिए ।
द्वन्द्वग्रस्त कंगोमा दर्जनौं हतियारधारी समूहको सक्रियता रहेको छ ।
