युरोप र अमेरिकामा कफीलाई चियाजस्तै गरेर पिउने गरिन्छ । जसरी बढी चियाको सेवनले शरीरमा नकारात्मक असर पार्छ त्यो भन्दा बढी कफीको सेवनले गर्भधारणमा असर पार्छ भन्ने कुरा अमेरिकामा गरिएको अनुसन्धानबाट पुष्टि भएको छ ।
विश्व स्वास्थ्य संगठनले हालै गरेको एक अनुसन्धानअनुसार एक दिनमा ३ सय मिलिग्राम क्याफिनको मात्रा सेवन गर्ने महिलामा गर्भधारण गर्ने क्षमतामा ३० प्रतिशतले कमी आउँछ । कफीमा क्याफिनको मात्रा बढी हुने हुँदा वैज्ञानिकहरुको सुझावअनुसार महिलाले दिनमा २ कपभन्दा बढी कफीको सेवन गर्नु भनेको गर्भधारण क्षमतामा कमी ल्याउनु हो ।
एक कप कफीमा १०० मिलिग्राम क्याफिन हुन्छ भने चियामा ५० र सोडामा ४० मिलिग्राम क्याफिन हुन्छ ।
