जनादेश, काठमाडौँ ।
नेपाल कम्युनिष्ट पार्टी नेकपाका प्रचण्ड-नेपाल पक्षका अध्यक्षद्वय पुष्पकमल दाहाल प्रचण्ड र माधवकुमार नेपाल तथा नेपाली कांग्रेसका सभापति शेरबहादुरबीच भेटवार्ता भएको छ ।
विकसित राजनीतिक घटनाक्रम र अब कसरी अगाडि जाने भन्नेबारे सभापति देउवासँग प्रचण्ड-नेपालले छलफल गरेका हुन् । बुधबार दिउँसो २० मिनेट देउवाको निवास बुढानिलकण्ठमा भएको छलफलमा आन्तरिक छलफल गरेर फेरि बैठक गर्ने सहमति भएको छ।
सभापति देउवाले बिहीबार अपरान्ह ३ बजे पार्टी पदाधिकारी बैठक बोलाएका छन् । उता प्रचण्ड-नेपाल पक्ष पनि आन्तरिक छलफलमा जुटेको छ । पेरिसडाँडामा स्थायी कमिटीको अनौपचारिक बैठक बसेको छ भने आजै अपरान्ह ४ बजे संसदीय दलको पनि बैठक बस्दैछ ।
मंगलबार सर्वोच्च अदालतले प्रधानमन्त्री ओलीको कदमलाई बदर गरिदिएको थियो। प्रतिनिधि सभा पुनर्स्थापनासँगै अब बन्ने नयाँ सरकारको पनि पहल सुरु भएको छ।