जनादेश, काठमाडौं ।
नेकपा प्रचण्ड–माधव समूहकी नेतृ पम्फा भुसालले संविधानको हत्या गर्ने राष्ट्रपति र प्रधानमन्त्री दुवैले राजीनामा दिनुपर्ने बताएकी छन् ।
काठमाडौंमा निकालिएको विजय सभालाई सम्बोधन गर्दै भुसालले प्रधानमन्त्रीले राजीनामा नदिए १३ दिनभित्र गलहत्याएर निकाल्ने चेतावनी समेत दिएकी छन् । ओलीमा अलिकति पनि नैतिकता बाँकी रहे तत्काल राजीनामा दिनुपर्ने बताउँदै भसालले भनिन् ‘मैले त हिजै राजीनामा आउँला भनेको सोचेको थिएँ । तर, आएन । अझै पनि अलिकति नैतिकता भए राजीनामा दिएर ठाउँ खाली गरिनुपर्छ’ ।
‘यसतै, प्रधानमन्त्रीले संविधानको हत्या र राष्ट्रपतिले त्यसको टीका लगाउने काम गरेको बताउँदै उनले भनिन् पशुपतिमा गएको सुनेँ । त्यहाँ क्षमा याचना गर्नुभन्दा जनतासँग क्षमा याचना गर्नुहोस्, प्रधानमन्त्रीले संविधानको हत्या गर्ने अनि राष्ट्रपतिले त्यसको टीका लगाउने गर्नुभयो’, ।
