जनादेश स्पोर्ट्स् ।
रियल मड्रिडले च्याम्पियन्स लिग फुटबलमा संघर्षपूर्ण जित दर्ता गरेको छ।
अन्तिम १६ को पहिलो लेग अन्तर्गत बुधबार राति अवे मैदानमा भएको खेलमा स्पेनिस क्लब रियल मड्रिडले इटालियन क्लब एट्लान्टालाई १–० ले पराजित गरेको हो ।
१७ औँ मिनेटमा रेमो फ्रेउलेर सीधै रातो कार्ड पाएर मैदानबाट बाहिरिएपछि एट्लान्टा १० खेलाडीमा सीमित भयो । तर पनि रियल मड्रिडलाई गोल गर्नका लागि अन्तिम समय पर्खिनु परेको हो ।
रियलका लागि ८६ औँ मिनेटमा फेर्ल्याण्ड मेन्डीले गरेको गोल नै निर्णायक बन्यो । दोस्रो लेग आउँदो मार्च १६ मा रियल मड्रिडको मैदानमा हुनेछ ।