जनादेश, काठमाडौँ ।
चीनले ग्रामीण गरिबी उन्मूलनको लक्ष्यमा सफलता हासिल गरेको घोषणा गरेको छ ।
ग्रामीण गरिबी उन्मूलनमा विजयी भएको भन्दै आज राजधानी बेइजीङस्थित ग्रेट हल अफ पिपल्समा विशेष कार्यक्रमको आयोजना गरिएको छ । चिनियाँ सरकारी मिडियाले १० करोड नागरिकलाई गरिबी रेखाबाट हटाउनमा राष्ट्रपति सी चिन फिङको ८ वर्षे कार्यकाललाई श्रेय दिएका छन् ।
गत डिसेम्बरमा सीले १० करोड जनतालाई गरिबीबाट हटाएको घोषणा गर्दै सत्तारुढ चिनियाँ कम्युनिष्ट पार्टी सिसीपीको एक सयौं वर्षगाँठको उपहार दिएको बताएका थिए ।
ग्रेट हलमा आयोजित समारोहमा बोल्दै सीले गरिबी उन्मूलन पार्टी नेतृत्वका मृत्युपत्र र राजनीतिक प्रणालीको उपलब्धिकोरुपमा व्याख्या गरे । उनले चिनियाँ चिनिया कम्युनिष्ट पार्टीको नेतृत्व र चीनको सामाजिक प्रणाली जोखिम, चूनौति र कठिनाईविरुद्धको आधारभूत सिद्दान्त भएको दाबी पनि गरेका छन् ।
सीले विगत ८ वर्षमा गरिबी उन्मूलनका लागि १ दशमलब ८ ट्रिलियन युआन लगानी गरिएको बताए । कार्यक्रममा गरिबी लडाईमा मुख्य भुमिका निर्वाह गर्ने अधिकारीलाई सम्मानपत्र दिएर सम्मान गरिएको छ ।
चीनले वार्षिय प्रति व्याक्ति आय ६ सय २० डलर अर्थात दैनिक १ दशमलब छ नौ डलर आय भएकालाई चरम गरिबीको रुपमा परिभाषित गरेको छ । तर विश्व बैंकले दैनिक करिब २ डलर भन्दा कम आय भएकालाई गरिबको रुपमा परिभाषित गरेको छ ।
