जनादेश सोसल मिडिया वाच ।
पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले फेरि सरकार बनाउने खेल सुरु भएको भन्दै चिन्ता प्रकट गरेका छन्।
उही काम दोहोर्याएर फरक नतिजा खोज्नु पागलपन भएको भन्दै डा. भट्टराईले दलहरूलाई सांसदको टाउको गन्ने खेलतिर नलाग्न चेतावनी दिएका हुन्।
‘आइन्स्टाइटन भन्थे– पुरानै कुरा दोहोर्याउनु अनि नयाँ परिणाम खोज्नु पागलपन हो। संसद् पुनर्स्थापनापछि देशमा एक पक्ष अनेक बहाना गरेर संसद विघटनतिर लान खोज्नु र अर्को पक्ष विगतको कुनै समीक्षा नगरी सांसदको टाउको गन्ने र सरकार बनाउने खेलतिर लाग्नु विडम्बनापूर्ण छ,’ शनिबार राति डा. भट्टराईले सामाजिक सञ्जालमा लेखेका छन्, ‘सबैले आत्मसमीक्षा गर्ने कि?’
आइन्सटाइन भन्थे-पुरानै कुरा दोहोर्याउनु अनि नयाॅ परिणाम खोज्नु पागलपन हो!संसद पुनर्स्थापनापछि देशमा एक पक्ष अनेक बहाना गरेर संसद विघटनतिर लान खोज्नु र अर्को पक्ष विगतको कुनै समीक्षा नगरी सांसदको टाउको गन्ने र सरकार बनाउने खेलतिर लाग्नु विडम्बनापूर्ण छ! सबैले आत्मसमीक्षा गर्ने कि?
— Baburam Bhattarai (@brb1954) February 27, 2021
उपचारका सिलसिलामा हाल डा. भट्टराई भारतको नयाँदिल्लीमा छन् । बहुआयामिक र अभूतपूर्व जटिलताबीच डाकिएको संसद अधिवेशन कसरी अघि बढ्ला भन्ने चासो व्यक्त भैरहेको बेला बाबुरामको ट्वीट आएको हो ।
विगतका संसद विघटन र पुनःस्थापनापछिका अधिवेशनभन्दा यो संसद अधिवेशन फरक देखिन्छ। पुनःस्थापित यो संसदमा नेता र दलहरु नैतिक, राजनीतिक, संवैधानिक र कानुनी संकटमा जेलिएका छन्।
यो पनि हेर्नुस्- माधव नेपालमाथि ईश्वर पोखरेल र विष्णु रिमालको आक्रोशः क्षुद्र र अनैतिक दबाब किन ?
