जनादेश, काठमाडौं ।
नेकपा प्रचण्ड–माधव समूहका अध्यक्ष पुष्पकमल दाहाल प्रचण्डले सर्वोच्चको निर्णयले ओली समूह पाहा पछारिए झैं पछारिएको बताएका छन् ।
सोमबार पेशागत महासंघ नेपाल र नेपाल राष्ट्रिय कर्मचारी महासंघको एकता घोषणा सभालाई सम्बोधन गर्दै प्रचण्डले सो कुरा बताएका हुन् । उनले भने, ‘यो के अचम्म हो ? पाहा पछारिए झैं पछारिने, अनि जित्यौं रे ।’
यस्तै निर्वाचन आयोगले समेत आफूहरुकै पक्षमा निर्णय गर्ने भन्दै प्रचण्डले भने, ‘मैले त्यत्तिकै भनेको होइन, बुझेर भन्दैछु । केही समयभित्र निर्वाचन आयोगले सूर्य हाम्रै हो भनेर फौसला गर्छ । त्यसमा शंका गर्नु पर्दैन ।’
