जनादेश, काठमाडौँ ।
सरकारले वार्ताको पहल थालेपछि विप्लव समूहले पनि तयारी अघि बढाएको छ । सरकारले वार्ता टोली बनाएपछि विप्लव समूह पनि वार्ता टोली गठनको तयारीमा छ ।
विप्लव समूहबाट सरकारसँग वार्ताको नेतृत्व नेता खड्गबहादुर विश्वकर्मा प्रकाण्डले गर्ने भएका छन् । सरकार वार्ताका लागि तयार भएको अवस्थामा प्रकाण्डको नेतृत्वमा विप्लव नेकपा वार्तामा बस्ने भएको हो ।
तर वार्ता टोली सार्वजनिक हुनु अघि बन्दी रिहाई र मुद्धा खारेजी तथा प्रतिबन्ध फुकुवा हुनुपर्ने विप्लव समूहका एक नेताले जनादेशलाई बताए । सरकारले आजै मात्र विप्लव समूहमाथि २ वर्षअगाडि लगाएको प्रतिबन्ध पनि फुकुवा गर्ने योजना रहेको बताइएको छ ।
सरकारले आजै मात्र गृहमन्त्री रामबहादुर थापा बादलको नेतृत्वमा वार्ता टोली गठन गरेको छ । सरकारी वार्ता टोलीको संयोजकत्व बादल छन् भने सदस्य प्रधानमन्त्रीका परराष्ट्र सल्लाहकार डा. राजन भट्टराई रहेका छन् ।
यो पनि पढ्नुहोस् :