जनादेश स्पोर्ट्स ।
स्पेनिस ला लिगा फुटबल अन्तर्गत शनिबार राति भएको एल क्लासिकोमा महत्वपूर्ण जित निकाल्दै रियल मड्रिड शीर्ष स्थानमा उक्लिएको छ ।
घरेलु मैदानमा भएको खेलमा रियल मड्रिडले बार्सिलोनालाई २–१ ले पराजित गरेको हो । बार्सिलोनाको जितमा १३ औँ मिनेटमा करिम बेन्जिामा तथा २८ औँ मिनेटमा टोनी क्रसले गोल गरे ।
बार्सिलोनाका लागि ६० औँ मिनेटमा ओस्कार मिन्गुएजाले एक गोल फर्काए पनि हार टार्न सकेनन् । ९० औँ मिनेटमा कासेमिरो दोहोरो पहेँलो कार्ड पाएर मैदानबाट बाहिरिएपछि रियल मड्रिड १० खेलाडीमा सीमित भएको थियो ।
जितपछि शीर्ष स्थानमा पुगेको रियल मड्रिडको ३० खेलबाट ६६ अंक भएको छ । एक खेल कम खेलेको दोस्रो स्थानमा झरेको एथ्लेटिको मड्रिडको पनि ६६ अंक नै छ । तेस्रो स्थानमा पुगेको बार्सिलोनाको ३० खेलबाट ६५ अंक छ ।
ला लिगा अन्तर्गत शनिबार राति भएका अरु खेलमा लेभान्टेले एइबर तथा काडिजले गेटाफेलाई समान १–० ले पराजित गर्दा एथ्लेटिको बिल्बाओ र एलाभेसले गोलरहित बराबरी खेलेका छन् ।