जनादेश, दाङ। राप्ती इञ्जिनियरिङ कलेजमा वि.ई. सिभिल आठौँ सेमेष्टरमा अध्ययनरत विद्यार्थीहरुको लागि संचालन गरिएको AutoCAD तालिमको प्रमाण पत्र वितरण कार्यक्रम सम्पन्न भएको छ ।
मिति २०७७ साल चैत्र १ गते देखि १२ गते सम्म संचालन भएको तालिमका प्रशिक्षक ई.उमा भडेलले प्रशिक्षण दिनु भएको थियो ।
समापन कार्यक्रममा बौल्दै ई.उमा भडेलले आफुमा भएको सीपको प्रयोग गरेर मात्र रोजगारी सृजना गर्न सकिने भएकोले विद्यार्थी आफै अग्रसर भएर मेहनतका नयां नयां ज्ञानको बारेमा खोज अनुसान्धान गर्नु पर्नेमा जोड दिनुभएको थियो ।
कलेज व्यवस्थापन समितिका अध्यक्ष एंव प्रबन्ध निर्देशक भीमसेन गिरीले यो तालिमबाट विद्यार्थी स्वरोजगार तथा रोजगारी प्राप्त गर्नको लागि विद्यार्थीहरुले तालिमबाट सिकेका कुराहरु सु्क्ष्म अध्ययन गरी व्यवहारमा प्रयोग गर्न सके मात्र आर्थिक लाभ लिन सहयोग पुग्ने बताउनु भयो।
त्यसै गरी कलेजका एकेडेमिक कोर्डिनेटर एवं वि ई. सिभिल विभागिय प्रमुख ई. बाबुराम जोशीले ध्यानपुर्वक सिकाईले मात्र सफल र निश्चित उद्धेश्यमा पुग्न सकिने कुरामा जोड दिनु भएको थियो ।