जनादेश स्पोर्ट्स ।
लिभरपुल च्याम्पियन्स लिग फुटबलको क्वाटरफाइनलबाटै बाहिरिएको छ । दोस्रो लेग अन्तर्गत बुधबार राति भएको खेलमा गोलरहित बराबरी गरेको लिभरपुल स्पेनिस क्लब रियल मड्रिडसँग समग्रमा ३–१ ले पराजित भएको हो ।
भ्रमण टोली रियल मड्रिडले अवे मैदानमा भएको दोस्रो लेगमा गोल गर्न नसके पनि घरेलु मैदानमा भएको पहिलो लेगमा ३–१ को जित दर्ता गरेको थियो ।
यो सिजन लिभरपुलले खासै राम्रो गर्न सकेको छैन । प्रिमियर लिगमा छैटौँ स्थानमा रहेको उ चौथो स्थानको टिम भन्दा तीन अंकले पछि छ ।
लिभरपुललाई स्तब्ध पारेको रियल मड्रिडले फाइनल प्रवेशका लागि सेमिफाइनलमा चेल्सीको सामना गर्ने भएको छ ।
दोस्रो गेलमा लिभरपुलका मोहम्मद सालह र जेम्मस मिल्नरले गोल गर्ने प्रयास गरेका थिए, तर सफल हुन सकेनन् ।
