अन्तर्राष्ट्रिय अपडेट ।
कोरोना भाइरसको संक्रमणबाट विश्वमा पछिल्लो २४ घण्टामा १३ हजार ५१३ जनाको मृत्यु भएको छ । सबैभन्दा बढी ब्राजिलमा ३ हजार ४६२ जनाको मृत्यु भएको छ ।
भारतमा एक हजार ३७, अमेरिकामा ९१५, फ्रान्समा २९७, रुसमा ३९९, टर्कीमा २७९, इटालीमा ४६९, पोल्याण्डमा ८०३, जर्मनीमा ४०५, अर्जेन्टिनामा ३६८, कोलम्बियामा ३३७, मेक्सिकोमा ५९२ युक्रेनमा ४६७ जनाको मृत्यु भएको छ ।
भारतमा भयावह, एकदिनमै थपिए २ लाख संक्रमित
भारतमा कोरोना भाइरसको संक्रमणमा नयाँ रेकर्ड कायम भएको छ । पछिल्लो २४ घण्टामा थप १ लाख ९९ हजार ५६९ जनामा कोरोना भाइरसको संक्रमण भएको छ । भारतमा २४ घण्टामा संक्रमण पुष्टि हुनेको यो संख्या अहिलेसम्मकै धेरै हो ।
यसअघि (बुधबार) वैशाख १ मा भारतमा अहिलेसम्मकै दोस्रो धेरै १ लाख ८५ हजार २४८ जनामा संक्रमण पुष्टि भएको छ । पछिल्लो वृद्धिसँगै त्यहाँ संक्रमितको संख्या १ करोड ४० लाख ७० हजार ८९० पुगेको छ ।
यो समाचार तयार पार्दासम्म भारतमा १ करोड २४ लाख २६ हजार १४६ जना संक्रमणमुक्त भएका छन् । अब भारतमा सक्रिय संक्रमितको संख्या १४ लाख ७१ हजार ५९२ छ ।
यस्तै भारतमा कोरोना संक्रमणले मृत्यु हुनेको संख्या १ लाख ७३ हजार १५२ पुगेको छ । पछिल्लो २४ घण्टामा त्यहाँ थप १०३७ जनाको मृत्यु भएको छ ।
यो पनि हेर्नुस्-
ललितपुरमा भेटियो कोरोनाको ‘डबल म्युटेन्ट भेरिएन्ट’, भारतीयका कारण हवाई प्रतिबन्धको खतरा
बाबुराम भट्टराईको चेतावनीपूर्ण आह्वानः बैलैमा प्रतिवाद नगरे ठूलो क्षति हुनसक्छ