एजेन्सी ।
पश्चिमोत्तर चीनमा फेला परेको अवशेषहरू छुट्टै प्रजातिको गैँडाका भएको अनुसन्धानकर्ताहरूले बताएका छन् ।
‘प्यारासेराथेरिअम लिन्शियाएन्स’ नाम दिइएको उक्त जीव २.६५ करोड वर्षअघि अस्तित्वमा रहेको र झन्डै २१ टन तौल भएको उक्त गैँडाका चारवटा अफ्रिकी हात्ती जत्रो ठूलो र जिराफभन्दा अग्लो भएको वैज्ञानिकहरूको भनाइ छ । सिङ नभएको उक्त गैँडाले चर्नका लागि सात मिटर अग्ला रूखका टुप्पासम्म टाउको पुर्याउन सक्ने बीबीसीले जनाएको छ ।
बीबीसीका अनुसार यसबारे ‘कम्यूनिकेशन्स बायोलजी’ जर्नलमा प्रकाशित शोधमा वैज्ञानिकहरूले सन् २०१५ मा फेला परेका जीवाश्मको विश्लेषण गर्दा अन्य भीमकाय गैँडाभन्दा यो नितान्त भिन्न प्रजातिको भएको सङ्केत पाइएको जनाएका छन् ।
