काठमाडौँ ।
साहित्यकार प्रा डा विष्णुराज आत्रेय ‘लाटोसाथी’को स्मृतिमा प्रकाशित स्मृति ग्रन्थ विमोचित भएको छ ।
प्रा डा विष्णुराज आत्रेय लाटोसाथी स्मृति प्रतिष्ठानको आयोजनामा भएको समारोहका नेपाल प्रज्ञा प्रतिष्ठानका कुलपति गङ्गाप्रसाद उप्रेतीले ग्रन्थको विमोचन गर्नुभयो ।
प्राज्ञिक लेखन नेपाली वाङ्मयमा ठूलो योगदान दिनुभएका उहाँको ‘अथातो जलान’, ‘उत्कृष्ट हाँस्यव्यङ्ग्य निबन्ध’, ‘संस्कृत नेपाली’, ‘अङ्ग्रेजी शब्दकोष’ आदि कृति प्रकाशित छन् ।
प्रतिष्ठानका अध्यक्ष विष्णु भण्डारीको अध्यक्षतामा भएको कार्यक्रममा आत्रेयको साहित्यिक योगदानबारे नेपाल प्रज्ञा प्रतिष्ठानका सदस्यसचिव जगत्प्रसाद उपाध्याय, प्राज्ञ डा देवी नेपाल, डा अलका आत्रेय, सहसम्पादक वैरागी जेठाले प्रकाश पार्नुभएको थियो ।