जनादेश, काठमाडौँ । उच्च अदालतल पाटनले एकीकृत प्रवेश परीक्षामा मेरिटमा छनोट भएर भर्नाका लागि सिफारिस भएका विद्यार्थीलाई काठमाडौं विद्यालय केयूमा नै भर्ना गराउन अन्तरिम आदेश दिएको छ ।
न्यायाधीश महेन्द्रनाथ उपाध्याय र कुलप्रसाद शर्माको इजलासले केयूको स्कुल अफ मेडिकल साइन्सेज र चिकित्सा शिक्षा आयोगलाई उक्त आदेश दिएको हो ।
आयोगले मेरिटका आधारमा पढ्न पठाएका ९ विद्यार्थीलाई केयूले भर्ना लिन अस्वीकार गरेको थियो । ती विद्यार्थीको सिटमा स्थानीय, कर्मचारी र शिक्षकका छोराछोरी पठनपाठन गराउने अडानपछि भर्ना नपाएका दुई छात्रछात्रा अदालत पुगेका थिए ।
