घोराही,
कोरोना भाइरसको संक्रमण रोकथामका लागि सार्वजनिक सवारी साधनमा अपनाउनु पर्ने मापदण्डको उल्लंघन भएको छ । दाङमा चल्ने कुनै पनि सार्वजनिक तथा नीजि सवारीका साधनले सरकारले तोकेको मापदण्ड पालना गरेका छैनन् ।
सिट क्षमताको आधा यात्रु बोक्ने, तोकिएको भाडामा ५० प्रतिशत बढी लिने, सवैले अनिवार्य मास्क लगाउने, स्यानिटाईजरको व्यवस्था गर्ने भनिए पनि यातायात व्यवसायीले त्यसको उल्लंघन गरिरहेका छन् ।
दाङका सबै रुटहरुमा चल्ने गाडीहरुले सिट क्षमता भन्दा बढी यात्रु बोकि रहेका छन् भने भाडा पनि बढी नै लिइरहेका छन् । जस्का कारण यात्रुहरुमा कोरोना संक्रमणको जोखिम बढेको छ भने अर्को तर्फ महांगो भाडा तिर्न बाध्य भएका छन् ।
सबै सडक खण्डमा प्रहरी चौकिहरु भए पनि उनिहरुले त्यसको निगरानी र नियमन गर्न सकेका छैनन् । निर्णय कार्यान्वयन गराउने निकाय पनि मौन रहदा कोरोना संक्रमणको जोखिम बढेको छ ।
एका तर्फ कोरोना संक्रमणको जोखिम बढेको छ भने अर्को तर्फ यात्रुहरु ठगिदै आएका छन् ।
