मंगलबार सेयर बजार दोहोरो अंकले घटेको छ । नेप्से परिसूचक ११.८२ अङ्कले घटेर एक हजार ९२१.३१ विन्दुमा पुगेको छ ।
विकास बैंक ४३, फाइनान्स २२, होटल तथा पर्यटन १७, जलविद्युत् ३६, उत्पादन ४८, माइक्रोफाइनान्स ३८, निर्जीवन बीमा १०९, अन्य १३, लगानी १ र ब्यापार उपसमूह १४ अंकले घटेको छ । त्यस्तै, बैंकिङ ०.२९ र जीवन बीमा ९६ अंकले बढेको छ ।
समग्रमा बजार घटे पनि आज सीवाईसी नेपाल लघुवित्तको सेयर १० प्रतिशतले बढेको छ भने सबैभन्दा धेरै लक्ष्मी इक्विटी फन्डको सेयर झन्डै ६ प्रतिशतले घटेको छ ।
आज २३० कम्पनीको ३० लाख कित्ता सेयर एक अर्ब ५ करोडमा कारोबार भएको छ । सबैभन्दा धेरै एसियन लाइफ इन्सुरेन्सको सात करोड ३१ लाख रुपैयाँको सेयर किनबेच भयो ।
