विश्व शक्ति राष्ट्रहरू टकराइ रहेको समयमा सरकारले अमेरिकी सेनालाई भित्र्याएको भन्दै एक सांसदले सरकारको जवाफ माग गरेका छन् । मंगलवार बसेको प्रतिनिधि सभा बैठकको शून्य समयमा माओवादी केन्द्रका सांसद हरिराज अधिकारीले अमेरिकी सेना नेपाल आएको बारे सरकारको जवाफ माग गरेका हुन् ।
‘हिजोमात्र हाम्रो एयरपोर्टमा १८ जना अमेरिकी सेना नेपाली सेनासँग संयुक्त अभ्यासका लागि आए भन्ने खबर छ । विश्वशक्ति राष्ट्रहरू टकराएको समयमा नेपाल सरकारले के गर्न खोजेको हो रु जवाफ चाहन्छु’, अधिकारीले भने ।
नेपाली सेनासँगको संयुक्त सैन्य अभ्यासका लागि १८ जना अमेरिकी सेना सोमवार नेपाल आएका थिए । अमेरिकी सेनासँग काठमाडौं र भक्तपुरमा सैन्य अभ्यास हुँदैछ ।
