नेपाली बजारमा आज सुनचाँदीको मूल्य घटेको छ ।
नेपाल सुनचाँदी व्यवसायी महासंघका अनुसार आज सुन प्रतितोला ४०० रुपैयाँले घटेको छ भने चाँदी तोलामा १० रुपैयाँले घटेको छ ।
तोलामा चार सय रुपैयाँले घटेसँगै आज छापावाल सुन ९५ हजार ५०० रुपैयाँमा कारोबार भइरहेको छ । त्यस्तै, तेजावी सुनको मूल्य तोलाको ९५ हजार रुपैयाँमा कायम भएको छ ।
महासंघका अनुसार आज चाँदी तोलामा १० रुपैयाँले घटेसँगै ११ सय ८५ रुपैयाँमा किनबेच भइरहेको छ ।
