नेपाल राष्ट्र बैंकले आज २० अर्बको ट्रेजरी बिल्सको सोझै खरिद गर्नका लागि बोलकबोल गर्ने भएको छ ।
बैंकले आज दिउँसो २ बजे ट्रेजरीको सोझै बोलकबोल गर्ने भएको हो । मौद्रिक व्यवस्थापन विभागका अनुसार २०७९ मंसिर ९ गते बिक्री हुने ट्रेजरी बिल्सको भुक्तानी आगामी चैत मसान्तसम्म रहेको छ ।
इच्छुक काउण्टर पार्टीले बिक्री गर्न चाहेको ट्रेजरी बिल्सको परिमाणको मूल्यमा बोलकबोल गर्नुपर्नेछ । काउण्टर पार्टीले ट्रेजरी बिल्सको परिमाण ५ करोड वा ५ करोडले भाग लाग्ने दरले खरिद आह्वान गरेको रकमसम्म बोलकबोल गर्न सक्नेछन्।
