नेकपा (एकीकृत समाजवादी) ले नेता मुकुन्द न्यौपानेलाई भने स्पष्टीकरण सोध्ने निर्णय भएको छ ।
पार्टी र नेतृत्वविरुद्ध फेसबूकमा मनपरी लेखेको र अवाञ्च्छित अभिव्यक्ति दिएको भन्दै उनलाई सातदिने स्पष्टीकरण सोधिएको हो । ‘एमालेनिकट अभिव्यक्ति दिने, कार्यकर्ता भड्काउनेलगायतका काम उहाँबाट भएपछि स्पष्टीकरण सोध्ने निर्णय भएको हो,’ एक नेताले भने ।
यस्तै उपाध्यक्ष केदार न्यौपाने र नेता चुँडामणि जंगलीको राजीनामा स्वीकृत गरेको छ । पार्टी(हितविरुद्ध बोलेको भन्दै पार्टीभित्रै आलोचना भएपछि उनीहरूले राजीनामा दिएका थिए । उक्त राजीनामा स्वीकृत भएको उपमहासचिव एवम् प्रचार विभाग प्रमुख जगन्नाथ खतिवडाले जानकारी दिए ।