जनादेश, काठमाडौँ ।
नेकपाका प्रवक्ता नारायणकाजी श्रेष्ठले पार्टीको विवाद समाधानका लागि सुझाव पेश गर्न गठित कार्यदलबारे भ्रम सिर्जना नर्गन आग्रह गरेका छन् ।
उनले दुई अध्यक्षका निर्णयबाट गठन भएको कार्यदलप्रति श्रेष्ठसहित वरिष्ठ नेताहरु झलनाथ खनाल र माधवकुमार नेपालले असहमति रहेको कुराको खण्डन गरेका छन् । श्रेष्ठले भनेका छन्, ‘यो सकारात्मक सन्देश दिसकेको छ कि हाम्रो पार्टी एकताको रक्षा सुनिश्चित भएको छ।’
कार्यदलले कोभिड–१९ को नियन्त्रण, उपचार र अर्थतन्त्रको पुननिर्माण र अन्तत राष्ट्रिय स्वाधिनताको रक्षा गर्दै समाजवाद उन्मुख सामाजिक आर्थिक रुपान्तरणका लागि पार्टी र सरकारलाई सुझाव दिने उनले बताए ।
