एजेन्सी – इंग्ल्यान्डको राष्ट्रिय टोलीमा समावेश भएका ट्याम्मी अब्राहम र मेसन माउन्टसहित लन्डन क्लब चेल्सीका ६ खेलाडीमा कोरोना भाइरस (कोभिड–१९) को पुष्टि भएको छ ।
चेल्सीले खेलाडीको नाम सार्वजनिक नगरेपनि डेली मेलका अनुसार चेल्सीले ट्याम्मी, मेसनसँगै क्रिस्टियन पुलिसिस र फिकायो तोमारीमा कोरोना पुष्टि भएको र उनीहरु सेल्फ आइसोलेसनमा बसिसकेका छन् । डेली मेलका अनुसार जर्जिन्हो, रस बार्कली, इमर्सन र मिचे बात्सुयाई पनि कोरोनाको आशंकामा चेल्सीको हेडक्वाटरमा क्वारेन्टिनमा रहेका छन् ।
खेलाडीहरु सिजन सकिएपछि छुट्टी मनाउन ग्रिक आइल्यान्ड माइकोनोसमा पुगेका थिए । त्यहाँबाट फर्किएपछि प्रि–सिजन भ्रमणमा निस्कनु अघि कोरोना परिक्षण गराउदा उनीहरुमा कोरोना पुष्टि भएको हो । ८ जना खेलाडीमा कोरोना पुष्टि भएसँगै चेल्सीलाई प्रि–सिजन तयारी उथलपुथल हुने भएको छ ।
१२ सेप्टेम्वरबाट सुरु हुने प्रिमियर लिगमा चेल्सीले नयाँ सिजनको पहिलो खेल ब्राइटनसँग १४ सेप्टेम्बरमा खेल्दैछ । पछिल्लो साता प्रिमियर लिगका खेलाडीमा कोरोना संक्रमण बढिरहेको छ । यसैसाता १४ क्लबका १२ जनालाई कोरोना देखिएको थियो ।
