चन्द्रप्रकाश नेपाली,
दाङ । दाङमा कोरोना भाईरस सङक्रमण फैलिन नदिन तथा रोकथामका लागि जिल्ला प्रशासन कार्यालय दाङले जारी गरेको जोरबिजोर प्रणालीलाई अवज्ञा गरी सञ्चालनमा रहेका सवारी साधनका चालकहरुलाई प्रहरीले कारवाही गरेको छ ।
नियमको अवज्ञा गरी चलाईएका २ सय ४४ वटा सवारी साधन कारवाहीमा परेको जिल्ला प्रहरी कार्यालय दाङले जनाएको छ । कारवाहीमा पर्नेमा सबैभन्दा बढी मोटरसाइकल रहेका छन् ।
जिल्ला प्रहरी कार्यालय दाङका प्रहरी नायव उपरीक्षक सुमित खड्काका अनुसार मोटरसाइकल १६५, अटो रिक्सा ४०, कारजीप २८, स्कुटर ८ र बस ३ वटा गरी २ सय ४४ वटा सवारी साधन कारवाहीमा परेका हुन् ।
यस्तै, कोरोना भाइरसको संक्रमणबाट बच्न अनिवार्य रूपमा मास्क लगाउन गरिएको अनरोध अटेर गरेर सार्वजनिक स्थानमा अनावश्यक हिँड्ने ५२ जनालाई पनि प्रहरीले नगद कारवाही गरेको छ ।
उक्त कारवाहीबाट ५ हजार २ सय जरिवाना संकलन भएको पनि प्रहरीले जनाएको छ ।
यसैबीच, लकडाउन कोरोनाको संङक्रमण रोक्न जारी गरिएका सूचनाहरु पालना गरी सङक्रमण फैलिनबाट रोक्न सबैमा प्रहरीले अनुरोध समेत गरेको छ ।
