१ करोड ८४ लाख २५ हजार भन्दा बढी संक्रमणमुक्त
एजेन्सी ।
गत चौबीस घण्टामा संसारमा २ लाख ८२ हजार भन्दा बढी कोरोना संक्रमित थपिएका छन् । योसँगै कुल संक्रमितको संख्या २ करोड ६१ लाख ६६ हजार भन्दा बढी पुगेको छ ।
त्यस्तै चौबीस घण्टामा थप ६ हजार २ सय ३४ जनाले कोरोनाकै कारण ज्यान गुमाएका छन् । संसारमा अहिलेसम्म कोरोनाका कारण ज्यान गुमाउनेको संख्या ८ लाख ६६ हजार भन्दा बढी पुगेको वर्ल्डोमिटरको तथ्याङ्कले देखाएको छ ।
कुन देशमा कति ?
संसारमा अहिलेसम्म सर्वाधिक संक्रमित रहेको अमेरिकामा चौबीस घण्टामा ४० हजार भन्दा बढी संक्रमित थपिएर ६२ लाख १६ हजार जना संक्रमित पुगेका छन् ।
त्यहाँ मृत्यु हुनेको संख्या १ लाख ८९ हजार भन्दा बढी पुगेको छ । हिजोमात्र त्यहाँ १ हजार भन्दा बढीले ज्यान गुमाएका छन् ।
त्यस्तै दोश्रो स्थानमा रहेको ब्राजिलमा ४० लाख भन्दा बढी संक्रमित पुगेका छन् । त्यहाँ चौबीस घण्टामा १२ सय भन्दा बढी संक्रमित थपिएका छन् ।
संसारमा तेश्रो सर्वाधिक संक्रमित रहेको भारतमा चौबीस घण्टामै ८२ हजार संक्रमित थपिएका छन् । जुन् एकदिनमा भेटिने संक्रमितको अहिलेसम्मकै सर्वाधिकको रेकर्ड हो ।
संसारमा कोरोना निको हुनेको संख्या १ करोड ८४ लाख २५ हजार भन्दा बढी छ । अहिले संसारमा ६८ लाख ७४ हजार सक्रिय संक्रमित छन् ।