एजेन्सी ।
विश्वमा कोरोना संक्रमित र मृत्यु हुनेको दैनिक दरमा भारतको आग्रता कायमै छ । गत चौबीस घण्टामा त्यहाँ ८० हजार बिरामी थपिएका छन् । योसँगै भारतमा कुल संक्रमितको संख्या ४९ लाख ३६ हजार पुगेको छ ।
त्यहाँ चौबीस घण्टामा १ हजार भन्दा बढीले ज्यान गुमाएका छन् । र मृत्यु हुनेको कुल संख्या ८० हजार ८ सय पुगेको छ ।
भारतमा विगत २ सातायता निरन्तर संसारमै सर्वाधिक संक्रमितको संख्यामा रेकर्ड कायम भैरहेको छ ।
सबैभन्दा बढी संक्रमित रहेको अमेरिकामा गत चौबीस घण्टामा ३७ हजार संक्रमित थपिँदा भारतमा त्यसको दुई गुना भन्दा बढी अर्थात् ८० हजार थपिएका छन् । तेश्रो स्थानमा रहेको ब्राजिलमा १९ हजार बिरामी थपिएका । भारतको संख्या यसको तुलनामा झण्डै ४ गुनाले बढी छ ।
भारत अमेरिका पछि विश्वमै सर्वाधिक कोरोना संक्रमित भएको मुलुक हो । तर संक्रमित थपिने दरमा भने भारत विश्वमै पहिलो स्थानमा कायम छ ।
भारतको महाराष्ट्र प्रदेश सबभन्दा बढी आक्रान्त बनेको छ। त्यस्तै तीन दक्षिणी राज्यहरू आन्ध्र प्रदेश, तामिलनाडु र कर्नाटक प्रदेश बढी आक्रान्त बनेका छन्।
यो पनि हेर्नुस् – संसारभर आजसम्मः २ करोड ९४ लाख संक्रमित, ९ लाख ३२ हजारको मृत्यु
