जनादेश, काठमाण्डौं । नेपाल कुटनीतिक अध्ययन संस्थाका अध्यक्ष तथा राजनैतिक विश्लेषक प्रा.डा. गोपाल शिवाकोटीको आज विहान काठमाडौ घट्टेकुलोस्थित आफ्नै निवासमा निधन भएको छ ।
दोलखा जिल्लाको सुस्पा क्षमावतीको ओखलढुङ्गा गाउँमा २००५ सालमा जन्मनु भएका शिवाकोटीले जीवनमा राजनीति¸ पत्रकारिता¸ प्राध्यापन¸ अनुसन्धान तथा लेखनमा आफ्नो जीवन क्रियाशील बनाउनु भएको थियो ।
उहाँका राजनीतिशास्त्र, दर्शन, विभिन्न जातजाति र परराष्ट्रसम्बन्धी दर्जनौ पुस्तकहरु प्रकाशित छन् । उहाँको निधनले नेपालको बौद्धिक क्षेत्रमा ठूलो क्षति भएको छ ।
२०५८ सालदेखि आँखा नदेख्ने र २०६१ सालदेखि मृगौला रोगबाट पीडित भर्इ मधुमेह र कानको समस्याबाट पीडित भएपनि उहाँ निरन्तर लेखन तथा अध्ययन अनुसन्धानमा क्रियाशील हुनुहुन्थ्यो ।
स्व. शिवाकोटीलार्इ हार्दिक श्रद्धाञ्जली अर्पण गर्दै शोकाकुल परिवारजनमा गहिरो समवेदना प्रकट गर्दछौ ।
-सम्पादक